মুখ্য পৃষ্ঠা
06/04/2515:41
● পৰা হ'লে লিখিব এটি কবিতা ●
পৰা হ'লে লিখিব এটি কবিতা
তাজমহলৰ বাবে ,
শব্দৰ সুৰেৰে জগালো হেতেন মমতাক ।
ছাহজাহানৰ বুকুত বুকু থৈ ক'বলৈ মন
মমতাজ উলটি আহিল...
পৰা হ'লে লিখিব এটি কবিতা
কাঞ্চনজংঘাৰ বাবে ,
দাঁত ভঙা দুটিমান শব্দৰ নিচান
উল্লাসত বিজয়ী মুকুট পিন্ধি
উৰুৱাই থৈ আহিলো হেতেন
কাঞ্চনজংঘাৰ শিখৰত ।
পৰা হ'লে লিখিব এটি কবিতা
পুত্ৰ হীনা আইৰ বাবে ,
কবিতাৰ ছন্দেৰে দিলো হেতেন শান্তনা ।
বুকুত জ্বলা শোকৰ জুইত ,
দিবলৈ মন যায় শব্দৰ আহুদি ।
ফুলশয্যা নিশাতেই বিধৱা পোচাক পিন্ধা
আজলী ভনীৰ বাবে লিখিবৰ মন
এই ৰঙীন কবিতা ।
সেন্দুৰৰ শিৰোনাম জিলিকি থাকিব
ভনী জনীৰ উকা কপালত ।
পৰা হ'লে লিখিব এটি কবিতা
প্ৰিয়তমাৰ বাবে ,
তৰাৰ পোচাক দলিয়াই
আজুৰি আনিলো হেতেন
আকাশৰ বুকুৰ পৰা মোৰ বুকুলৈ ।
লুইতৰ পাৰৰ পৰা মিছিছিপিৰ পাৰলৈ
সিঁচি দিবৰ মন কবিতাৰ বীজ ।
বেশ্যা নাছিল বুলি ,
প্ৰতিবাদৰ কবিতা লিখি
মুখা খুলিবলৈ মন ভদ্ৰ সজাজৰ ।
জেৰেঙাৰ বুকুত উচুপি
জয়মতীক শুনাব মন প্ৰেমৰ অলেখ
কবিতা ।
পৰা হ'লে লিখিব এটি কবিতা...
পৰা হ'লে !
• ৰাজু কলিতা
21/01/15
